崔公公駕到

圖片轉載 : 7月20日蘋果日報尊子記事簿

雖然邊個做澳門特首都冇咩分別, 但可唔可以揀個好樣啲架, 外貌身形似[韜韜], 佢應該首先去搵必瘦站減下肥, 連自己嘅體重都控制唔到, 點做一個特區嘅領袖。佢嘅聲線就似足何厚鏵, 睇落佢都好後生啫, 講起野黎慢幾拍, 仲以為佢同老董咁上下年紀添。政治人物做唔做到野都係其次, 尤其係澳門特首, 根本唔駛做咩, 只要聽話就得, 唔該佢搞搞個形象先, 起碼我地市民睇得舒服。

澳門特首只得一個候選人已經夠搞笑, 仲駛咩搞答問大會呀? 佢個答問大會改名叫讀稿大會更合適, 無論佢答咩問題, 都係對住稿讀, 咁唔駛搞咁多野, 發Q&A新聞稿就掂, 無謂嘥人時間又嘥自己時間。

澳門人聽話所以特首候選人只係得一個, 香港人唔聽話, 咁咪畀多幾個所謂候選人你地揀, 不過係幾個你冇可能揀得落手嘅候選人, 問你死未。所以甚麼2017普選特首我都係當笑話聽下就算。